لا تشتكي يا صاحبي

[i][b][u][center] أقول :





لا تشتكـي يـا صاحبـي هجـر الاحبـاب
شفـنـي مــن اسبـابـه طـريـح الـوســادة
قلبي عـن ضيـوف الهـوى قفـل البـاب
مــن عـقـب مـــا ذاق الـعـنـا والـنـكـادة
وغـدى سقيـم وجرحـه اليـوم مـاطـاب
وفـاقـد أمـــل نـاســي دروب الـسـعـادة
والصـدر ضـاق وخاطـري منـه منصـاب
مـــا عـــاد بـــه عـــزم(ن) ولابــــه ارادة
وناظر عيوني شوف وشلـون الاهـداب
صـارت دموعـي بكـل الاوقــات عــادة
ومن كثر ما عانيت شف صابري شاب
وفـقــدت حـظــي ورافقـتـنـي الـقــرادة
يا صاحبي خـذ كلمتـي بكـل ترحـاب
كـلــمــة خـــــوي(ن) لاتـضــيّــع وداده
اسمـع كلامـي وافهمـه يابـن الاعـراب
وخـذ مـن كلامـي كـل مــا بــه إفــادة
الـحـب مــا قـــدر طويـلـيـن الاشـنــاب
مـجـنـون لـيـلـى قـبـلـنـا ويــــش فــــاده
خـلاه مثـل الـلـي مــن الـقـوم مـرتـاب
الــيـــن مــــــات ولا تــحــقــق مــــــراده
الحـب كذبـه واصلـهـا كلـمـة إعـجـاب
يـبــداك نــــار ويـنـتـهـي بــــك رمــــاده
يلـعـب بعقـلـك ثــم يلـعـب بالاعـصـاب
مــا عــاد تـفــرق دفـوتــه عـــن بـــراده
وجـه الشـبـه بـيـن المحـبـه والارهــاب
احـــداث فـوضــى واغـتـيـالات قــــاده
والخاتـمـة بالـوصـف مـانـيـب كـــذاب
عـيــب المـحـبـه مـــا تـعــرف الـركــاده

تسلم يديك

الله يسلمك