السلااااام عليكم
بمناسبة الإمتحانات اللي جابتلي شلل رعاش وحول وكالو في دماغي
جبتلكوا كام أغنية على ذوقي ... وربنا يارب يوفق الجميع...... هو اللحن قديم بس الكلمات هي اللي جديدة
نبدأ بعمرو دياب
1- ( أيوه أنا عارف )
ايوه انا عارف انى هشيل الماده اكيدد
واى مراجعه دلوقتى مش هتفيد
ده من يوم ماذكرتها وقلبى ماهوش مرتاح
اسكت ليه ده انا بس بقول لاتقولوا دحاح
2- ( تنسى واحدة )
ليه يا قلبى كل تيرم بتشيل مادة
ولسة مش عارف تحل فى اى مادة
كل اول تيرم تقول انك مذاكرهااااااااا
وفى نهاية التيرم بالاقيك شايلهاااااااا
كل ده علشان بتهرب من الحقيقة
كل ده علشان يا قلبى شيلت مادة
اى مادة بتذاكرها بتبقى حاسة
انت مش جايلها ده انت جاى تشيلها
انت عارف حتى تنجح فى واحد غيرها
ده انت وانت ويا غيرها بتفتكرها
كل ده علشان بتهرب من الحقيقة
كل ده علشان يا قلبى شيلت مادة
3- ( كان طيب )
خلاص بقى بينجح يرحم زمن السقووووووووط
زاكر كتير و موووووس ... درجاته حلوة موووووووت
جاب امتياز و مظبط... طلع دحاح كبييييييييير
مش زى ما كان مبين دة خدعنا سنين كتييييير
راجعنا مادة مااادة .. وشيلت بردة مادة.. وهو جاب تقدييييير
مادة و عدت خلاص اة خلاص اة هنعمل اية
مش كل الناس دحيحة
فى الجامعة فيه و فيه
4- ( أنا مهما كبرت )
أنا مهما ذاكرت هادبلر
أنا مهما ذاكرات هشيل
مش ممكن يوم هتغير
ولا عمري هجيب تقدير
محمود العسيلى - ترررم ( لإخوانا المعتقلين في الثانوية العامة )
كان فى مادة اسمها فيزيا...غاباوتها مش طبيعيه
كل اما اجى ازاكرها بحس انها هندية
تعبنا و قرفانا
و مسالها مبهدلانا
و تبصلنا و تقول
ماتحلونى فى اية؟
مش فاهمين معناها .. اما نشوف اخرتنا معاها
نفسنا نرتاح من اللى احنا فيييييية
الرخامة و التناحة و الغلاسة و الرزالة
كل الناس اللى زاكروها
يبقوا عايزين يقتلوها
او يروحو يحرقوها بصفيحة جااااااااااز
لو كان وزيرنا شالها من المنهج
كان قصر و ريحنا
بدل ما نعد نفشل و نفضل زى ماحنا
كارهنا مش طايقنها
و مخنوقين منها
و نفضل نقول تعملو كدة ليا
الرخامة و التناحة و الغلاسة و الرزالة
كل الناس اللى زاكروها
يبقوا عايزين يقتلوها
او يروحو يحرقوها بصفيحة جااااااااز
اليسا - يا عالم
ها نشيل مع بعض حبيبى
و نعيد احنا الاتنيين
اوعدني اننا منشلشى
اكتر من مادتييييين
دى المادة اللى تضيع دلوقتى
نزاكرها ازاى بعدييييين
حضرنا محضرات و سكاشن
لية مافهمنااااااااااش
صورنا ورق و جينا نزاكر لية معرفناااااااش
دى المادة اللى انا هسقط فيها
هتعلق فالبيت بعديها
و الدكتور دة ناويلنا على اييييييية
شكلنا هنعيد يا حبيبى
انا و انت مش نافعييييييين
قاعدين نالف فى اغانى
هو دة اللى فية فالحيييييييييين
مهو لو احنا اللى ناجحنا
يبقى اللى هيسقط ميييييييين ؟؟؟؟؟؟؟؟
ومساااءالتفاؤل
موضوع: قلق الامتحانات 
الأحد يناير 17, 2010 4:40 pm
